::ل ط ش ا ت .. ش ع ر ي ـة ::

السلام عليكم و رحمة الله و بركاته ..

خطرت على بالي فكرة .. وحبيت أطرحها عليكم ..

أحياناً .. تعجبنا كلمات اغنية .. او قصيده .. او عبارة معينه ..
ويخطر على بالنا تكملة لها .. وتصبح قصيده ..
ولكننا لا ننشرها .. لأن من سيقرأها ،سيعتبرها سرقة لبعض الأبيات او الكلمات ..

لذا ..
خطر في بالي .. ان أضعها كــ( لعبه ) ..
مثلاً .. أضع اليوم شطر من اغنية تعجبني ..
ونكمل عليها باقي الابيات .. وتصير قصيده مختلفة نهائياً عن الاصليه .. بس الفرق هو شطر واحد .. او عبارة معينه ..

يعني مثلاً ..
(( تواعدني على باجر و باجر راح ما ادله )) ..
هي كلمات اغنية ..

انا باخذ منها هذ الشطر فقط .. و أكمل عليه ..
ومن بعدي يكون في ردين فقط (( يعني المجموع 3 )) لكل جملة او شطر ..
عقب يدخل حد ثاني و يحط عبارة او شطر .. يكمل عليه قصيده .. و يدخلون اثنين و يحطون قصايدهم .. وهكذا ..


اتمنى انكم فهمتوا مقصدي ..

وهذي مشاركتي عسب تتضح عنكم الفكرة اكثر ..
.
.
تواعدني على باجر و باجر راح ما دله..تواعدني على لقيا عيونك ثم تتجاهل
وانا من شوقي لعيونك اجهز نفسي لبكره..اجي للموعد بوقتي واثرك فيه متساهل
لأنه قلبيه طيب عشقك وما عرف يكره .. وانته دوم تتلاعب وانا والله استاهل
عطيتك كل ماتبغي بدون خطوط متحمره.. وصار اليوم عنواني"ضحية حبي الفاشل"

.
.
:: مب تقولون بعد العيناويــ7ــــه سارقة الكلمات تراني خبرتكم انها لعبه ::


..

اتمنى انكم تشوفون الموضوع